Plantun de Prouvènço

Pèr coumpara dos planto d'encò nostre

Cuscuta approximata & Anacamptis morio subsp. picta

Péu-de-lin(-di-sepalo-lusènto)

Cuscuta approximata

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute approximative.

Descripcioun :
Lou péu-de-lin-di-sepalo-lusènto, pulèu rare, douno d'èr à Cuscuta epithymum, pamens la planto èi pu forto amé de flour blanco. Se n'en destrìo subretout que si sepalo soun lusènto e ounte se vèi de costo reticulado (fotò); la subsp. de Prouvènço ié dison approximata.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 5 à 9 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Relarg à jóuinis aubret
Estànci : Subremediterran à Mountagnard
Couroulougi : Paleoutemperado
Ref. sc. : Cuscuta approximata Bab., 1844

Canto-gau(-boufoun)

Anacamptis morio subsp. picta

Orchidaceae

Noms en français : Orchis bouffon, Orchis orné.

Descripcioun :
Lou canto-gau-boufoun, trachis dins li relarg caud e umide, au nostre, pulèu sus li terraire safrous. Se recounèis à si tepalo de coustat que fan un casque rega de verd. Lou centre de la labreto, di tres partido e souvènt plegado, èi blanc picouta de rose e rose sus li coustat. La subsp. picta aqui presentado, a de pichòti flour emé un casque que fai pas mai de 8 mm.

Usanço :
Lou tubercule caup de mucilage emplega contro li mau de vèntre. Se dis que li canto-gau sarien acalourant (principe di signature).

Port : Erbo
Taio : 5 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Anacamptis
Famiho : Orchidaceae

Coulour de la flour : Roso
Petalo : irreguliero
Ø (o loungour) flour : 8 à 11 mm
Flourido : Printèms

Sòu : Si
Autour basso e auto : Pancaro entresigna
Aparado : Noun
Abriéu à jun

Liò : Terraire safrous - Prado umido
Estànci : Termoumediterran à Mountagnard
Couroulougi : Eurimediterrano
Ref. sc. : Anacamptis morio subsp. picta (Loisel) Jacquet & Scappat., 2003

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta approximata & Anacamptis morio subsp. picta

ges

Coumpara Péu-de-lin(-di-sepalo-lusènto) emé uno autro planto

Coumpara Canto-gau(-boufoun) emé uno autro planto